話説 … 一直都對和服的興趣不是十分之大 …

所以之前去日本都無特别話要着黎影下相咁 …

但 9月既人妻sss 個個都話去日本旅行順便揾人影下相 … 講講下我就心動了 …

人妻們比我既資料就係 … 去夢館租和服啦 … 順便揾埋夢館既人影 ！

快靚正！

比大家睇下小小今次影出黎既相先！非常滿意啊！

好喇，入返正題。

【事前準備】

之後自己都有做下research … 知道都有好多間可以租和服 … 但有埋影相呢就得夢館呢一間

package ：租和服 ＋化粧（加＄）＋ｓｅｔ頭（加＄）＋攝影費

和服分左幾種：一般既和服，振袖（隻袖長啲）

正絹白金振袖明顯靚勁多，所以就揀左呢款喇！

而化粧＋ｓｅｔ頭我都加埋，費事煩嘛 …. (懶)

至於影相，係有好多個唔同地方比你揀既，例如衹園呀，嵐山呀等等

而我就揀左個最小人而最有日本風味既亭園，就係京都既涉成園喇！

而攝影師，係可以自己揀既（要加錢），又或者到時ｒａｎｄｏｍ比一位幫你影，

我係煲晒所有攝影師既相簿之後再決定既！

我就係指定左一位台灣黎既男攝影師，睇返相就知自己既選擇係幾咁正確，哈哈！

過程就係預先上網ｂｏｏｋ定，就得架喇！

【當日】我地由大阪過去京都，９：００就去到夢館喇

由於係先黎先揀款，所以我地去到都已經有一堆人揀緊

全程有一位台灣女仔陪住我地，陪我地揀衫同幫手翻譯所以唔洗擔心溝通唔到呀！

去下相先！有得埋鏡拼拼架！

心大心細唔知揀咩色好，最後攝影師話紅色最好，就信專業啦！

揀好就去着衫喇，我呢套正絹白金振袖都算係好正式既一款，

所以着既時間都比較耐，亦需要兩個人同時幫我着 …

而都好多ｄｅｔａｉｌｓ位可以揀，例如腰帶顏色 (揀左金色)　

腰帶上面嗰條繩（有一籃比我揀）

内搭既顏色 …. 等等

都着左好耐呢，辛苦晒兩位日本姨姨了！

大少揀左件黑色既！

着好之後就化粧＋ｓｅｔ頭喇！

ｓｅｔ頭既款係八選一既，事前預約 1,500 円(未稅)

我揀左最簡單既一款！ ③古典風味的編髮

https://www.tw-kyoto.yumeyakata.com/hair

襯埋淘寶既頭飾（紅白花嗰個）！

呢度係唔包頭飾架！要另外買的

化粧就加3,000円(未稅)

成個過程都好快手！

搞掂！着埋拖鞋+換返個小手袋就出發喇！

首先係搭幾分鐘的士去涉成園！哈哈

去既時侯就只有攝影師一個同我地去！完全唔需要助手！

好！開始！

攝影師哥哥係帶左傘＋扇比我地個道具架！

我揀涉成園就係因為鐘意有小橋流水，

而且自成一角，唔會有好多人

呢張就係我最鐘意既其中一張，好似一幅畫咁！

離開涉成園，請攝影師幫我地影下京都街頭，

出黎既色同感覺好好呢！

影左１．５ｈｒｓ就返返去夢館還衫！

和服都真係令到我好攰呢，有腰酸背痛既感覺。

除嗰下完全有解脱既感覺！哈哈

搞掂就走得喇，第二日就有相拎喇，會ｓｅｎｄ　ｅ－ｍａｉｌ比你，有條ｌｉｎｋ既！

影嗰陣已經覺得攝影師好好．．．

好肯去拎唔同角度去影相，近又影下，行到老遠又影下，一啲都唔ｈｅａ！

影下又比返我地睇．．．又好願意同我地溝通！

完全無後悔加＄＄指定要用呢位攝影師！

本身諗住咁平，都唔會抱太大其望，點知影出黎完全可以拍得住我啲ｐｒｅ－ｗｅｄｄｉｎｇ！

影出黎既效果，完全係驚喜的！

有呢輯，就唔洗再影ｐｏｓｔ　ｗｅｄｄｉｎｇ喇！

完全係開心大發現，性價比勁高呢！

大家去開日本，不妨去影返輯啊！

我唔係成日上黎，有咩資料想要既可以直接去 “with love,” inbox我呀！

得閑黎我同另一位靚太既page支持下我地既手作+生活小分享啦！

https://www.facebook.com/withlove.cathyandgloria